உலகில் வாழும் மிகப்பெரிய மரம்

 

  நீலத்திமிங்கலம் என்பதே நம்மில் பலர் கூறும் விடையாக இருக்கும். அதைவிட பிரமாண்டமான ஒரு மரமே, இப்போது, உலகில் வாழும் மிகப்பெரிய உயிரினம்! அமெரிக்காவின் கலிபோர்னியா மாகாணத்திலுள்ள செக்கோயா தேசியப் பூங்காவில் காணப்படும் 'கலிபோர்னியா பிக்' (பெரிய) மரங்களே அவை.

  இவற்றில் பல 270 அடி உயரம் வரை நீண்டு வளரக்கூடியவை. சில செம்மரங்கள் 350 அடியையும் எட்டும். கலிபோர்னியா பிக் மரங்களோ, அகலத்திலும் எடையிலும் கூட பிரமாண்டமானவை. இவற்றில் ஒரு மரம் 26 அடி அகலம் கொண்டிருக்கிறது. அடிமரத்தின் பட்டைகள் சில இடங்களில் 24 அடி அகலமாக உள்ளன. எடை 2,145 டன்!

  இதுபோன்ற ஒரு மரத்திலிருந்து 500 கோடி தீக்குச்சிகள் தயாரிக்க முடியும்! பல கோடி ஆண்டுகளுக்கு முன், பிரமாண்ட செக்கோயா மரங்கள் வட அமெரிக்காவின் பல பகுதிகளில் காணப்பட்டன. இப்போது கலிபோர்னியாவின் சில பகுதிகளில் மட்டுமே காணப்படுகிறது. இவற்றில் பல மரங்கள் கி.மு. 2 ஆயிரமாவது ஆண்டுக்கும் முன்பு தோன்றியவை!

இவ்வளவு அதிசயத்தில் வாழ்ந்துகொண்டிருக்கும் நம் பூமியின் இயற்கையை அழிக்காமல் பாதுகாப்போம்... 

மரம் வளர்க்க ஒரு சட்டம்

   

   மரங்கள் இயற்கையின் கொடை நாம் இந்த பூமியில் வாழ வழி செய்பவை. ஆனால் மனிதர்கள் மரங்களை போற்றுவதில்லை. தனது சுய நலத்துக்காக மனிதன் தொடர்ந்து மரங்களை அழித்துக் கொண்டே இருக்கிறான். இந்த கேடு கெட்ட பழக்கத்துக்கு எந்த நாடும் விதி விலக்கு அல்ல. எல்லா நாட்டிலும் மனிதர்கள் தம் பங்குக்கு மரங்களை அழித்துக் கொண்டு தான் இருக்கிறார்கள்.

பில்ப்பைன்ஸ் நாட்டில் 50 வருடங்களுக்கு முன்பு மரம் வெட்டுதல் மிகப்பெரிய தொழிலாக விஸ்வரூபம் எடுத்திருந்தது. காடுகள் கண் மண் தெரியாமல் அழிக்கப்பட்டன, பெரும்பாலன காடுகள் இருந்த சுவடே தெரியாமல் தரைமட்டமாயின. மரங்கள் இல்லாததால் சுற்றுச் சூழலில் பெரும் பாதிப்பு ஏற்பட்டது. நாட்டில் மழை பெய்வது வெகுவாக குறைந்து போனது. வெயில் கொளுத்தியதது, வறட்சி ஏற்பட்டது.

   பில்ப்பைன்ஸ் அரசு தாமதமாக கண் விழித்துக்கொண்டது. பெரிய அளவில் மரங்கள் வளர்த்து நாட்டின் சுற்றுச் சூழலை இயல்பு நிலைக்கு கொண்டு வரவில்லை என்றால் பெரும் பஞ்சம் ஏற்படும் என்று நினைத்தது. சூழலை கட்டுப்படுத்தவும், நாட்டின் அழகை மேலும் மேம்படுத்தவும் 1977-ம் ஆண்டில் ஒரு சட்டத்தை அவசர அவசரமாக கொண்டு வந்தது. அதன்படி 10 வயதுக்கு மேற்பட்ட ஆரோக்கியமான உடல் நலம் கொண்ட ஒவ்வொரு ஆணும், பெண்ணும் ஒவ்வொரு மாதமும் ஒரு மரம் நட்டு அது அழிந்து விடாமல் பாதுகத்து வளர்க்க வேண்டும் என்று கூறியது.

  இந்த சட்டத்தை மீறுபவர்களுக்கு அரசால் வழங்கப்படும் எல்லா சலுகைகளும், உரிமைகளும் ரத்து செய்யப்படும் என்று அறிவிக்கப்பட்டது. அது போக 175 டாலர் அபராதமும் விதிக்கப்பட்டது. மேலும் மரங்கள் வளர்ப்பை ஊக்குவிப்பதர்காக மக்கள் விரும்பும் மரங்ளின் நாற்றுகள் அரசு இலவசமாக வழங்கியது.

 இதில் ஆர்வத்துடன் கலந்து கொண்டு அரசின் குறியீட்டை விட அதிகமாக மரம் வளர்த்தவர்களுக்கு அரசாங்கம் ஒரு சான்றிதழும், அரசு வேலைகளில் முன்னுரிமையும் கொடுத்தது. இந்த திட்டத்தின்படி 5 ஆண்டுகள் முடிவதற்குள் 36 கோடி புதிய மரங்கள் நாட்டில் முளைத்தன. இன்றைக்கு இயற்கை வளம் நிறம்பிய ஒரு தேசமாக பில்ப்பைன்ஸ் பசுமையோடு திகழ்கிறது.

  மக்கள் துணையிருந்தால் எதுவும் சாத்தியமே. நாமும் எத்தனை நாளைக்குத்தான் வெறும் விழிப்புணர்வை மட்டும் கொடுத்துக் கொண்டே இருப்பது. அரசு சட்டமாக கொண்டு வந்து கடுமையாக அதை அமல்படுத்தினால் இந்தியாவும் ஒரு பசுமை பூமிதான் என்பதில் சந்தேகம் இல்லை.

மனிதன் இயற்கையை இயற்கையாக இருக்கவிடாமல் இருப்பதே இயற்கை அழிவிற்கு காரனம்.

பிரேசில் திராட்சை மரம் (Aboticaba Tree)

 பிரேசில் திராட்சை மரம் (Aboticaba Tree) தெற்கு பிரேசில் பசுமையாகவும் மிகவும் அடர்த்தியாகவும் வளரும் மரம் இது. இந்தமரம் உலகின் பல வெப்ப மண்டல பகுதிகளில் பரவலாக உள்ளது. இதன் இலைகள் சிறு ஈட்டி போல் உள்ளது. இது அதன் சொந்த நாட்டில் சுமார் 12 மீட்டர் உயரத்திற்கு வளர்கிறது. உலகின் பல பகுதிகளில் உள்ள தோட்டங்களில் வளர்க்கப்படும் போது 3-5 மீட்டர் வரை வளர்கிறது.

 இலைகள் ஒரு இனிமையான வாசனை மூலம் வகைப்படுத்தப்படுகின்றன. தண்டு மற்றும் மரத்தின் கிளைகள் ஒரு பிங்க் நிறம் மற்றும் சாம்பல் புள்ளிகளால் ஆன வெளிறிய தோலால் மூடப்பட்டிருக்கும். வசந்த மற்றும் கோடை காலத்தில்,  மரத்தின் அடிமரம், தண்டு மற்றும் முக்கிய கிளைகளில் நேரடியாக பல சிறிய வெள்ளை மலர்களால் மூடப்பட்டிருக்கும்.

 தண்டு மற்றும் முக்கிய கிளைகளில் பூ மொட்டுக்கள் உருவாகும் இந்த செயல்முறை கொக்கோ மற்றும் ஏனைய வெப்பமண்டல பழ மரங்கள் சில வற்றில் காணலாம்.

 இது வசந்த காலம் முடிந்தவுடன் இலையுதிர் காலத்தில் பழங்கள் 3-4 வாரங்களில் அறுவடைக்கு தயாராகிறது. ஆரம்ப காலத்தில் பழங்கள் கருப்பு, சிவப்பு, மற்றும் பச்சையாக இருக்கும். பழுத்த பழங்கள் திராட்சை பழங்களை ஒத்திருக்கின்றன. அவை மிகவும் இனிப்பாக இருக்கும். பழுத்த பழம் 4 அல்லது 5 நாள் வரைதான் கெடாமல் இருக்கும்.  

 குளிர்காலத்தில் இந்த மரத்தின் இலைகள் அனைத்தும் உதிர்ந்து விடும், பின்னர் இளஞ்சிவப்பு இதழ்கள் துளிர் விட்டு வழக்கமான கரும் பச்சை நிறமாக வசந்த காலத்தில் தோன்றும். 

 100 கிராம் பழத்தில்  22 மி.கி. வைட்டமின் சி, 0 கிராம் கொழுப்பு, 1 கிராம் புரதம், 13 கிராம் கார்போஹைட்ரேட், 6 மிகி கால்சியம், 0.01 மிகி thiamin, 9 மிகி பாஸ்பரஸ், 0.6 கிராம் நார்ச்சத்து, கொண்டிருக்கிறது.

   

  இதன் பழத்தில் ஜெலி மற்றும் ஐஸ்கிரீம் தயாரிக்கப் பயன்படுத்துகிறார்கள். பிரேசிலில் மிகவும் ருசியானது மது பாணம் தயாரிக்க பயன்படுத்துகிறார்கள். 

மழைக்காடுகள் இற்கையின் பொக்கிஷம்... 

           

புங்கமரம்

இயற்கையின் அருட்கொடைகள் தான் மரங்கள், செடி, கொடிகள்.  இவை ஒவ்வொன்றுமே மருத்துவக் குணங்கள் கொண்டவை.  மேலும் மனிதன் உட்பட அனைத்து உயிரினங்களுக்கும் தேவைப்படும் பிராண வாயு அதாவது ஆக்ஸிஜனை உற்பத்தி செய்யும் தொழிற்கூடங்கள் மரங்கள்.   மழையை வருவிக்கும் வருணபகவானாக மரங்களும், செடிகளும் உள்ளன.

 இத்தகைய சிறப்பு வாய்ந்த மரங்களில் பல வகைகள் உள்ளன.  இந்த மரங்களில் புங்க மரத்தின் மருத்துவப் பயன்களை அறிந்து கொள்வோம்.

 ஆக்ஸிஜனை அதிகளவு உற்பத்தி செய்யும் மரங்களுள் மூங்கிலுக்கு அடுத்து புங்க மரம்தான்.  எந்தப் பகுதியிலும், எத்தகைய சீதோஷ்ண நிலையிலும் வளரக்கூடியவை.  அதிக நிழலை தரக்கூடியது.  பசுமை படர்ந்த மரமாக காட்சியளிக்கும்.  இந்தியாவின் எல்லாப் பகுதிகளிலும் காணப்படும்.  சாலை ஓரங்களில் நிழல்  தரவும்,, மண் அரிப்பைத் தடுக்கவும் புங்கை மரங்கள் வளர்க்கப்படுகின்றன.

 புவி வெப்பமயமாதலை தடுக்கும் தன்மையுள்ள மரங்களில் புங்க மரமும் ஒன்று.  வெப்பத்தின் தன்மையை உறிஞ்சி  சீரான சீதோஷ்ண நிலையை ஏற்படுத்தும் குணம் இதற்கு உண்டு.

 புங்க மர விதையிலிருந்து பயோடீசல் (Biodisel) உருவாக்கலாம்  இந்த விதைகளிலிருந்து 30 - 40 சதவீத எண்ணெய்ச் சத்து உள்ளது.

செழுமையான மழைக் காடுகள் இயற்கையின் அழகு.....

தேக்கு மரம்

தேக்கு மரம் இது மிகவும் பொதுவான இந்திய மரங்களில் ஒன்றாகும். (குடும்ப வெர்ப்பினேசி) ஒரு பெரிய இலையுதிர் மரம். தேக்கு பரவலாக 2,000 க்கும் மேற்பட்ட ஆண்டுகளாக இந்தியாவில் பயன்படுத்தப்பட்டு வருகிறது இது மிகவும் உயரமாகவும் தடிமனகவும் இலைகள் அடர்த்தியாகவும் வளரக்கூடியது. அறுபது, எண்பது ஆண்டுகளில் உயர்ந்த முதிர்சியடைந்த மரங்களாகும். இந்த மரங்கள் உயரம் 45 மீட்டர் வரை வளர முடியும். இந்தியா, மியான்மர் (பர்மா),  தாய்லாந்து,  பிலிப்பைன்ஸ், ஜாவா மற்றும் மலாய் தீவு களில் காணப்படுகின்றன. தேக்கு ஆபிரிக்கா, மத்திய அமெரிக்கா, தென் அமெரிக்காவிலும் நடப்படுகிறது.

இந்திய தேக்குமரம் ஒரிசா, மத்திய பிரதேசம் வழியாக தெற்கு உத்தர பிரதேசம், ராஜஸ்தான் ஆரவல்லி மலை தெற்கு எல்லைகள் வரை பரவியுள்ளது. உலர்ந்த மற்றும் ஈரமான இலையுதிர் காடுகள் மற்றும் தெற்கு தீபகற்ப இந்தியாவில்  இயல்பாகவே வளரும். அதன் சிறந்த வளர்ச்சி  வளமான,  மண்ணில் 3 முதல் 5 மாதங்களுக்கு ஒரு உலர் பருவத்தில் ஆண்டுதோறும் 125 250 செ.மீ மழை பெறும்.

ஜூன் மாதம் முதல் செப்டம்பர் வரை ஒவ்வொரு தேக்கு மரத்தின் அனைத்து  இலைகளும் உதிர்ந்து புதியதாக வளரும். வளர்ந்த மரத்தின் வலுவான இலைகள் 60 செ.மீ. நீளம் வரை வளரும். மரத்தின் கிளைகளில் எண்ணற்ற சிறிய வெள்ளை பூக்கள் மலரும் பூக்கள் வாசனையாகவும் ஐந்து அல்லது ஆறு இதழ்கள் கொண்டிருக்கிகும். பல லட்சம் மலர்களைக்கொண்டிருக்கும் அந்த மலர்கள் கூட அதிகபட்சமாக 2.5 செ.மீ. அளவு அதிகரிக்கும். இந்த சமயத்தில் தேக்குமரம்  மிகவும் அழகாக தெரியும்.

தேக்குமரம் நாடு முழுவதும் பரவலாக பயிரிடப்படுகிறது. இது மருத்துவ குணங்கள் உடையது மரம் மதிப்புயையது என்பதால் இது உற்பத்தி இல்லாத நாடுகளில் இதன் வர்த்தக மதிப்பு அதிகம். இந்த மரம் மிகவும் பலமான, கடினமான மற்றும் நீடித்த வலுவானது மற்றும் இதில் தனித்துவமான வாசனை எண்ணெய் உள்ளது இந்த எண்ணெய் மரத்தை காக்கிறது. இந்த மரம் பரந்த அளவில் தளவாடங்கள், வீடுகள், கப்பல்கள் தயாரிக்க பயன்படுத்தப்படுகிறது. மரத்தின் இலைகளில் இருந்து பெறப்படும் சாறு துணி சாயமாக பயன்படுத்தப்படுகிறது.  மரத்தின் பகுதிகளில் மிக மருத்துவரீதியில் மதிப்புவாய்ந்ததாக உள்ளன.  தலைவலி, செரிமானமின்மை குறைக்க மற்றும் வயிற்று பிரச்சினைகள் தீர்க்க பயன்படுத்தப்படுகிறது.

மேலும், தேக்கு மரம் தூள் பேஸ்ட்,  டையூரிடிக், கல்லீரல், அழற்சி மற்றும் பல்வலி குறைக்க பரிந்துரைக்கப்படுகிறது மர சாம்பல்  கண் இமைகள் வீக்கத்திற்கு பயன்படுத்தப்படுகிறது மற்றும் பார்வை மேம்படுகிறது என்று நம்பப்படுகிறது. வடிகட்டும் மூலம் பெறப்படும் ஆயில் படை, படர்தாமரை இவற்றிற்கு பஸ்தர் மாவட்ட பழங்குடி மக்கள் பயன்படுத்துகிறார்கள். மற்றும் மூச்சு குழாய் அழற்சி சிகிச்சை பயன்படுத்தப்படுகிறது. விதைகளில் (கொட்டைகள்) இருந்து பிரித்தெடுக்கப்படும் எண்ணெய் முடி வளர்ச்சி  மற்றும் சொறி சிரங்கு கட்டுப்படுத்துகிறது. இந்திய தேக்கு மரங்கள் ஆயுர்வேத நடைமுறைகள் பயன்படுத்தப்படுகின்றன.

இந்திய தேக்குமரம் அதன் விரைவான வளர்ச்சி மற்றும் உயர் தரமான மரமாக மதிப்பிடப்படுகிறது பல வெப்பமண்டல நாடுகளில் தேக்கு மரங்கள் ஒரு முக்கியமான தோட்டங்களாக உள்ளது.  தேக்கு மரம் முக்கியமாக அதன் அசாதாரண ஆயுள் சூடான நாடுகளில் மதிப்பிடப்படுகிறது. இந்தியா, மியான்மர் ஆகிய நாடுகளில் பாதுகாப்பு மர விட்டங்களில் பல நூற்றாண்டுகளாக பழைய கட்டிடங்களில் காணப்படுகின்றன, மற்றும் தேக்கு விட்டங்கள் அரண்மனைகள், கோயில்களில்  1,000 ஆண்டுகளுக்கு நீடித்தது அழிவில்லாமல் இன்றும்  நிலைத்து இருக்கிறது.

செழுமையான மழைக் காடுகள் இயற்கையின் அழகு.....

மரங்கள் என்னும் வரங்கள்

ஆதியில் காடுகளில் வாழ்ந்த மனிதன், எப்பொழுது இலைகளையும், தழைகளையும் நாகரிகம் எனக் கருதி ஆடைகளாக உடுத்தத் தொடங்கினானோ, அன்றே மனிதன் மரங்களின் மீதான வன்முறையை ஆரம்பித்துவிட்டான். இன்று நாம் வாழும் பூமி வெப்பமயமாக்கலில் சிக்கி எதிர்

காலத்தில் உயிரினங்கள் வாழத் தகுதியற்ற வெப்பப் பந்தாக உருமாறும் நிலை ஏற்பட்டுள்ளது. இயற்கையின் பெருங்கொடை மரங்கள். மனிதன் தான் கொண்ட பேராசையின் பெரும் விளைவாக காடுகளின் மீது கைவைத்து மரங்களை அழித்து, வாழுகின்ற பூமி தனக்கானது மட்டுமே என எண்ணி பல்லுயிர்ப் பெருக்கத்திற்கு ஊறு விளைவித்தான்.

1950-ஆம் ஆண்டு பூமியின் சராசரி வெப்பநிலை 13.8 டிகிரி செல்ஸியஸாக இருந்தது. அது 1997-ஆம் ஆண்டு 14.6 டிகிரி செல்ஸியஸாக அதிகரித்துவிட்டது. வருடாவருடம் வெப்ப நிலையின் அளவு உயர்ந்து கொண்டே வந்தால் பனிப்பாறை உருகி, கடல்மட்டம் உயர்ந்து கடலோரப் பகுதிகள் கடலுக்குள் மூழ்கும் நிலை ஏற்படும்.

காடுகளைத் திருத்தி கழனிகளை அமைத்த மனித இனம், இன்று கழனிகளை அழித்து வான்முட்டும் வணிக வளாகங்களையும், அடுக்ககங்களையும் அமைத்து இயற்கைக்கு எமனாகச் செயல்படுகிறது.

அந்தக் காலத்தில் தமிழகத்தில் சுமார் 33,000 ஏரிகள் இருந்தன. இன்று நகரமயமாதல் எனும் இயற்கைக்கு முரணான வளர்ச்சியில் ஏரிகள் தூர்க்கப்பட்டு பேருந்து நிலையங்களாகவும், கல்வி நிறுவனங்களாகவும், மருத்துவமனைகளாகவும் காட்சியளிக்கின்றன. வீட்டில் நாம் அன்றாடம் பயன்படுத்தும் குளிர்சாதனப் பெட்டியிலிருந்து வெளியாகும் புளுரோ குளுரோ கார்பன் வளி மண்டல ஓúஸான் படலத்தில் (ஞழஞசஉ) ஓட்டை விழ வைக்கிறது.

பயன்படுத்தாமல் வீசி எரியும் அலைபேசி, தொலைக்காட்சி, கணினி என மின் கழிவுக் குப்பைகள் போன்றவை அவற்றின் பங்கிற்கு காற்றை நஞ்சாக்குகின்றன.

வாகன உற்பத்தியில் நாம் தன்னிறைவு அடைந்து அயல்நாட்டுக்கு வாகனங்களை ஏற்றுமதி செய்வதாகப் பெருமை கொள்ளும் அதே வேளையில், அயல்நாட்டு நிறுவனங்கள் சப்தமில்லாமல் நம்மீது தண்ணீர் சுரண்டலை நிகழ்த்துவதையும் கவனத்தில் கொள்ள வேண்டும். ஒரு நான்கு சக்கர வாகனம் உற்பத்தி செய்வதற்கு பல லட்சம் லிட்டர் தண்ணீர் தேவைப்படுகிறது.

ஐம்பது ஆண்டுகள் வாழும் வளமான மரத்தை நாம் வெட்டினால், அதனால் ஏற்படும் இழப்பு ரூபாய் கணக்கில் சுமார் 50 லட்சம்.வாழும் பூமியை வளமாக்க நாடெங்கிலும் உள்ள தரிசு நிலங்களை கணக்கிட்டு மரக்கன்றுகளை நட வேண்டும். மலைப்பாங்கான பகுதிகளில் ஹெலிகாப்டர் துணை கொண்டு விதை

களைத் தூவ வேண்டும். நம் குழந்தைகளுக்கு மரங்களில் பயன்களைச் சொல்லி வளர்க்க வேண்டும்.
தினமணி:
நன்றி By அ.பிரமநாதன்

காடுகள் வளர்த்து இயற்கையை காத்து, மாசுபாடு இல்லாமல் செய்து வளரும் தலைமுறை காப்போம்...

தாவரங்களில் அற்புதங்கள்

   

   

 ஆப்பிள் பழத்தில் 25 சதவீதம் காற்று நிரம்பியிருக்கும். அதனால்தான் ஆப்பில் தண்ணீரில் மிதக்கிறது.

   வெள்ளரி எண்பது காய்கறி கிடையைது பழவகையாகும். இதை எளிதாக கண்டுபிடிக்க ஒரு வழி உண்டு. விதைகளை நடுவில் கொண்டிருக்கும் அனைத்துமே பழ வகையைச் சார்ந்தவையே!

  வாழைப்பழத்தில் அதிகமான சத்துப் பொரு்கள் உள்ளன. அதனால்தான் குழந்தைகளுக்கு கொடுக்கும் முதல் உணவில் வாழையும் சேர்கிறது. இன்னொரு முக்கியமான விஷயம் வாழையில் மகிழ்ச்சியைத் தூண்டும் ரசாயன பொருட்களும் உள்ளனவாம்.

  சீனாவிலும், ஜப்பானிலும் தர்பூசனி பழங்களை சிறந்த பரிசுப் பொருளாக வழங்குகிறார்கள்.

  குள்ள வில்லோ (Dwarf Willow)என்பதுதான் உலகின் சிறிய மர வகையாகும். கிரீன்லாந்தில் காணப்படும் இந்த வகைமரங்களின் மொத்த உயரமே 2 அங்குலம்தான். உலகின் உடரமான மரம் செக்கோயா. 360 அடிக்கும் அதிகமான உயரம் வளரக்கூடியவை இவை.

  உலக அளவில் மிகுதியாக விளையும் இரு காய்கறிகள் என்றால் அது தக்காளியும், உருளையும்தான். ஆனால் வெங்காயம்தான் உலக அளவில் அதிகம் பயன்படுத்தப்படும் உணவுப் பொருளாக உள்ளது. ஏனெனில் எல்லாவகை பதார்த்தங்களிலும் வெங்காயம் சேர்க்கப்படுகிறது.

  உலகில் உள்ள மிகப்பழமையான மரங்கள் நிறைந்தது கலிபோர்னியா மாகாணம். இங்குள்ள பிரிஸ்டல்கோன் பைன் மரங்ளும், ராட்சத செக்கோயா மரங்ளும் 4 ஆயிரம் முதல் 5 ஆயிரம் ஆண்டுகள் வயதான மரங்களாகும். ஆனால் உலகில் உயிருடன் நிற்பதில் அதிக வயதுடைய மரம் ஸ்வீடன் நாட்டில் உள்ளது. அதன் வேர்களை ஆராய்ந்த விஞ்ஞானிகள் அது 9 ஆயிரத்து 550 ஆண்டுகள் பழமையானது என்கிறார்கள்.

  'வீனஸ் பிளை' டிரேப் என்னும் பூச்சிகளை உண்ணும் செடிகள் அமெரிக்காவின் கரோலினா பகுதியில் காணப்படுகிறது.

  ஆப்பிரிக்காவில் யானைப் புல் என்று ஒருவகைப் பெரிய புற்கள் உள்ளன. இது4.5 மீட்டர் உயரம் வரை வளரக்கூடியது. யானைகள் மாலை வேளையில் இந்தப் புதர்களில் மறைந்து வாழ்வதால் இற்கு இந்தம் பெயர் வந்தது.

  "பாவ்பாப் மரம்" என்று ஒருவகை மரங்கள் ஆப்பிரிக்கா காடுகளில் உள்ளன. இதற்கு ஒரு சிறப்பு உண்டு. பஞ்சு போன்ற இதன் தண்டுப் பகுதியில் லிட்டர் கணக்கில் தண்ணீர் சேமிக்கப்பட்டிருக்கும். அதிகப்பட்சம் ஆயிரம் லிட்டர் முதல் 11/4 லட்சம் லிட்டர் வரை தண்ணீர் இதன் தண்டில் சேமிக்கப்படுகிறது.

  மரங்கள் தங்களுக்கு தேவையான 90 சதவீத ஆற்றலை வளிமண்டலத்தில் இருந்தே பெறுகிறது. கார்பன்-டை-ஆக்சைடு மற்றும் சூரிய ஒளிதான் அதன் முக்கிய ஊட்டம். 10 சதவீத சத்துக்களையே மண்ணில் இருந்து எடுத்துக் கொள்கிறது.

  ஒரு மரம் ஓராண்டில் வெளிப்யிடும் ஆக்சிஜன், 4பேர் கொண்ட குடும்பம் சுவாசிக்கப் போதுமானதாகும். அதனால்தான் வீட்டிற்கு ஒரு மரம் வளர்ப்போம் என்கிறார்கள்.

  வில்லோ மரத்தில் இருந்து கிரிக்கெட் மட்டை தயாரிக்கப்படுவதை அறிந்திருப்பீர்கள். உலகின் சிறந்த வலி நிவாரணி 'ஆஸ்பிரின்' மருந்து தயாரிப்பிலும் வில்லோ மரங்கள்தான் பயன்படுகின்றன. பேஸ்பால் மட்டைகள் கிக்கோரி மரத்தில் இருந்து தயாரிக்கப்படுகிறது.

  'சாக்லெட்' கோகோ பீன் மரத்தில் இருந்து தயாரிக்கப்படுகிறது.

காடுகள் வளர்த்து இயற்கையை காத்து, மாசு இல்லாமல் செய்து வளரும் தலைமுறை காப்போம்... 

எங்களை வளர்த்து நீங்களும் வாழுங்கள்!

   ஒரு மனிதன் ஒரு நாளில் மூன்று சிலிண்டர்கள் அளவு ஆக்சிஜனை சுவாசிக்கிறான். ஒரு சிலிண்டர் விலை சுமாரர் ரூ.700. ஒரு நாள் ஆக்சிஜன் 2,100 ரூபாய் மதிப்புள்ளது ஓராண்டுக்கு இது ரூபாய் 7,66,500. மனிதனின் சராசரி ஆயுள் 65 வருடங்கள் என்றால் இந்த செலவு ஆகாயத்தைத் தொடும் அளவுக்கு 5,00,00,000 ரூபாய்கள் ஆகிறது. இதெல்லாம் நமக்கு இலவசமாக சுற்றிலுமுள்ள மரங்களிலிருந்து கிடைக்கிறது. மரங்கள் இயற்கை நமக்கு தந்த பொக்கிஷங்கள். இதை பொக்கிஷமாக பார்ப்பவர்கள் மிகக் குறைவு. கண் மூடித்தனமாக அவற்றை வெட்டுவது நடந்து கொண்டே தான்  இருக்கிறது இனிமேலாவது நாமெலாம்  மரங்கள் நட்டு, வளர்த்து அவற்றைக் கவனமாகப் பாதுகாத்து, காடுகள் வளர்த்து, இயற்கையை காத்து, மாசுபாடு இல்லாமல் செய்து வளரும் தலைமுறையைக் காப்போம்...

இயற்கையை நீ அழித்தால் இயற்கையோடு நீயும் அழிவாய்...

 

6.மரம் வளர்த்தனால் ஆய பயனென் கொல்?

  வேளான்மை கற்றுக்கொண்ட நாளில் அதற்காக காடுகளை அழித்து, கழனி திருத்தி,  விவசாயம் செய்தான். நகர்ப்புரங்களின் விரிவாக்கம், விளை நிலைகளை சுருக்கி விளை நிலைகளை அதிகப்படுத்துதல், அளவுக்கு மீறிய தரிசு நிலம் ஆகியவைகளின் காரணமாக விவசாயம் அழகிறது. நகர விரிவாக்கத் திட்டங்களினாலும், விளை நிலங்களில் பெருகும் குடியிருப்புத் திட்டங்களிலும், பூங்காக்களும், மரங்ளும் அதிமுக்கியத்துவத்தை அரசு அளிக்கவேண்டும். நகரங்களில் மாசு அகற்றும் பணியில் மரங்களுக்குப் பிரதான இடமுண்டு. ஓடி உழைத்து அலுத்து சோர்வடையும் மக்களுக்கு அமைதியும், ஆறுதலும், ஆரோக்கியமும் மரங்கள் அளிக்கும். அதனால் பாடும் பறவைகளும் நம்மை நாடி வரும்.
    காட்டில் உள்ள மரங்கள் அழிந்தால் மரங்கள் மட்டும் அழிவதில்லை. மரங்களைச் சிற்றி வளரும் செடி, கொடிகளும் வியப்புக்குரிய விந்தையான விலங்குகளும் மடிகின்றன. காடு ஓர் ஆலயம். மரம் ஒரு தெய்வம். காடு அழிந்தால் நாடு செழிக்காது. நாட்டு வளம் காட்டு வளத்திலேயே அடங்கியுள்ளது. மரங்களையும், வனங்களையும் வளர்த்துக் காப்பாற்ற வேண்டும். மரங்களின் உபயோகத்துக்கு மாற்றுப் பொருள்களையும் கண்டறிய வேண்டும். மரங்கள் இன்றி மனிதன் இல்லை என்ற உண்மையை மனிதன் உணர வேண்டும். மனிதன் பிறந்ததிலிருந்து இறக்கும் வரை மரங்களின் உபயத்தில் தான் வாழ்கிறான். 

  "மரந்தான் மரந்தான் எல்லாம் மரந்தான், மறந்தான் மறந்தான் மனிதன் மறந்தான். மனிதா! மனிதனாக வேண்டுமா மரத்திடம் வா ஒவ்வொரு மரமும் போதிமரம்".

நன்றி தினமணி....

கட்டுறையாளர் திரு. பாறப்புறத் இராதாகிருஷ்ணன், அவர்கள்.

5.மரம் வளர்த்தனால் ஆய பயனென் கொல் ?

    நம்நாட்டில் ஆண்டு வன இழப்பு 1.3 மில்லியன் ஹெக்டேர். ஒவ்வொரு ஆண்டிலும் இந்தியாவின் வன இழப்பு 1.5 மில்லியன் ஹெக்டேர்களாகும். இந்தியாவில் 19 சதவீதம் நிலம் காடுகளாக உள்ளது. இது உலகத்தின் சராசரியான 29.5 சதவீதத்துடன் ஒப்பிடுகையில் இது மிகமிகக் குறைவானதாகும். மேற்கு ஜெர்மனியில் 28.1, ஐக்கிய அமெரிக்க நாடுகள் 32.8, ரஷ்யாவில் 33.9, ஜப்பான் 61.8, பின்லாந்து 70.9, தாய்லாந்து 77.2 சதவீதம் காடுகள் உள்ளன. 2012-ம் ஆண்டில் இந்தியாவில் காட்டுப் பகுதியை 30 சதவீதம் கூடுதலாக்க வேண்டும் என அரசால் இலக்கு நிர்ணயிக்கப்பட்டுள்ளது. தமிழ் நாட்டில் 13 சதவீதம் நிலம் காடுகளாக உள்ளது. பெட்ரோல் டீசலுக்கு மாற்றாக தாவரங்களிலிருந்து எரிபொருள் பெறுவதற்கான திட்டத்தை உலக நாடுகள் மேற்கொண்டு, காடுகளை அழிப்பதால் பருவநிலையில் மாற்றங்கள் ஏற்பட்டு புவி வெப்பமடைதல் அதிகரித்து வருகிறது என சுற்றுச்சூழல் வி்ஞ்ஞானிகள் எச்சரிக்கின்றனர். நாட்டில் 3-ல் ஒரு பங்கு வனம் இருக்க வேண்டிய நிலையில், தற்போது 20 சதவீதத்துக்கும் குறைவாகவே உள்ளது. இதனால், ஆண்டுக்கு 50 தினங்கள் பெய்ய வேண்டிய மழை இப்போது 20 தினங்களுக்கும் குறைவாகவே பெய்கிறது. அனைத்து ஜீவராசிகளும் உயிர்வாழ இது அவசியம். மழை வளம் பெருக, மரம் வளம் அவசியம் ஒரு மரம் 2.50 ரூபாய் மதிப்புள்ள பிராண வாயுவை உற்பத்தி செய்து, ஒரு இலட்சம் ரூபாய் மதிப்புள்ள மண் வளத்தைக் கொடுக்கிறது. ஒரு மரம் தனது 50 ஆண்டு கால ஆயுட்கால இடைவெளியில் 15,70,000 ரூபாய் மதிப்பிலான சேவை செய்கிறது. ஒரு ஹெக்டேரில் உள்ள காடு ஆண்டு ஒன்றுக்கு 3.7 டன் கரியமிலவாயுவை உட்கொண்டு 2 டன் பிராணவாயுவைத் தருகிறது. வளரும் பயிர்களை வாழ்த்தி வரவேற்கும் வரவேற்பு வளையங்களாக மரங்கள் உள்ளன. காட்டு வளமே நாட்டு வளம், மரம் வளமின்றிப் போனால் உலகில் இன மின்றிப் போகும். அதனால் சோலைவனம் மறையும், பாலைவனம் விரியும்.

மரம் வளர்ப்பு தொடரும்...

காடுகள் வளர்த்து இயற்கையை காத்து, மாசுபாடு இல்லாமல் செய்து வளரும் தலைமுறை காப்போம்...

4.மரம் வளர்த்தனால் ஆய பயனென் கொல் ?

    விண்ணும் மண்ணும் இணைந்த அற்புதப் படைப்பே மரம். மரங்களின் இலைகளில் பச்சையம் எனும் வண்ணக்கலவைப் பொருள், சூரியனின் ஒளிக்கதிர்களை ஈர்த்து, அதனை உணவாக மாற்றுகிறது. ஒரு ஹெக்டேரில் உள்ள காடு, ஆண்டு ஒன்றுக்கு 3.7 டன் கரியமிலவாயுவை உட்கொண்டு 2 டன் பிராணவாயுவை தரும். கரியமிலவாயு மண்ணின் ஆழத்திலுள்ள பல்வேறு மூலங்கள், வற்றாத கடலிலிருந்து முகிலாக மாறிக் மழையாக் கியைக்கும் நீர், இவற்றைக் கொண்டு அனைத்து உயிரினங்களுக்கும் அடிப்படையான உணவையும். உலகத்துக்குப் பயன்படும் ஆயிரமாயிரம் பொருள்களையும் தரும் ஆற்றலைக்கொண்டது மரம். இந்த அபாகர ஆற்றலால் அனைத்து உயிர்களுக்கும் அமுதசுரப்பியாக விளங்குகிற மரத்தால்தான் உலகிலுள்ள அனைத்து உயிர்களும் வாழ முடிகிறது.
    1900-ல் உலகிலுள்ள மொத்தக் காடுகள் 7,000 மில்லியன் ஹெக்டேர்கள் என்று மதிப்பிடப்பட்டுள்ளது. 1975-ல் இது 2,980 மில்லியன் ஹெக்டேர்களாகக் குறைந்துள்ளது. ஓராண்டில் 2,50,000 சதுர கிலோ மீட்டர் வீதம் காடுகள் அழிக்கப்படுகின்றன.

மரம் வளர்ப்பு தொடரும்...

மரம் வளர்த்து பசுமை நிறைந்த உலகை உருவாக்குவோம்.....

3.மரம் வளர்த்தனால் ஆய பயனென் கொல்?.

   இந்தப் பரந்த உலகில் மூன்றில் ஒரு பங்கு காடுகள் இருக்க வேண்டியது அவசியம். காடுகள் அழிந்தால் நாடுகளில் நச்சுப் பரவும். ஓசோன் பாதுகாப்பு திரை கிழிந்து, பசுமைக்குடில் விளைவை ஏற்படுத்தி, சமநிலை பாதிக்கப்படும். இன்றைய இதே நிலை தொடர்ந்தால் புவி வெப்ம் அதிகமாகி உலகம் பாலைவனமாகிவிடும் என எச்சரிக்கின்றனர் சுற்றுச்சூழல் வல்லுநர்கள். ஆனால், ஆடம்பரம், ஆர்பாட்டம், எதிர்காலத்தைச் சிந்திக்காமல் வனவளம் அனைத்தையும் அழித்து இயற்கையை எதிர்த்து வாழத் தலைப்பட்ட மனிதன் காடுகளை அழித்து தட்பவெப்பநிலையை மாற்றி மழையை மறந்துவிட்டான். காடுகளால் மனிதன் பெறும் பயன்கள் எண்ணிலடங்கா. நேரிடைப் பயன்கள், மறைமுகப் பயன்கள் என இருவகையாக அதன் பயன்களைப் பிரிக்கலாம். காடுகளாள் மனிதன் மட்டுமல்லாமல் பறவையினங்களும், விலங்கினங்களும் பயனடைகின். மரங்கள் இந்த உலகைச் செழுமையாகவும், பசுமையாகவும் வைத்திருக்க உதவுகின்றன. தன்னலம் கருதா மரங்கள் பல உயிரினங்கள் இளைப்பாற நிழல் தருகின்றன. இந்தப் பிரபஞ்சத்தில் நிலம், நீர், நெருப்பு, காற்று, வானம் ஆகிய பஞ்ச பூதங்களின் இயக்கத்துக்கு மரங்கள் துனை நின்று உயிரினங்களுக்கு சேவைகள் செய்து வருகின்றன. காடுகள் வெள்ளப் பெருக்கைக் கட்டுப்படுத்தி மண் அரிப்பைத் தடுத்து நிறுத்துகின்றன. மேலும் தட்பவெப்ப நிலையைச் சமன்படுத்துகின்றன. மக்களுக்கு உணவு வழங்கும் மண்ணை மரங்கள் காப்பாற்றுகின்றன. வளப்படுத்துகின்றன. காடுகள் அதிகப்படியாக அழ்க்கப்பட்டதால் இந்தியாவில் ஆண்டுக்கு ஏற்படும் மண் இழப்பு சுமார் 6000 மில்லியன் டன் ஆகும். ஒரு ஹெக்டேர் பரப்பில் ஆண்டுக்கு சராசரியாக 17 டன் மண் விளை நிலத்திலிருந்து மண் அரிப்பால் அடித்துச் செல்லப்படுகிறது.
   இதனை ஈடுசெய்ய ஆண்டுக்கு 120 ஆயிரம் கோடி ரூபாய் தொடர்ந்து செலவிட வேண்டும் காடுகள் அழியும் போது நிலமும் அழிந்து விடும். ஆகாயத்தைத் தூய்மைப்படுத்தவும், விண்ணிலே மிதந்து செல்லும் மேகத்தை கவர்ந்திழுத்து அமிழ்தமான மழையைப் பொழியச் செய்யவும் மரங்கள் அவசியம். ஒலி, ஒளி, வெம்மை இவற்றின் கடுமையைத் தணிக்க மரங்கள் உதவுகின்றன. மனிதன் உயிர் வாழ்வதற்குத் தேவையான பிரானவாயுவை மரங்கள் வெளியிடுகிந்றன. தூசியையும், புகையையும், மரங்களால் கட்டுப்படுத்த முடியும். சுமாரான அடர்த்தியான மரமே ஆண்டு ஒன்றுக்கு ஒருவருட தூசியைத் தக்கவைத்துக்கொள்ளும். புகையிலுள்ள நச்சுப் பொருள்களையும் மரங்கள் உள்ளிழுத்துக் காற்றைச் சுத்திகரித்து விடும் திறன் வாய்ந்தது.

மரம் வளர்ப்பு தொடரும்...

மரம் வளர்ப்போம் புவிகாப்போம்......

2.மரம் வளர்த்தனால் ஆய பயனென் கொல்?

   நம் தமிழகத்தில் சேர, சோழ, பாண்டிய மன்னர்கள் மரங்களின் மாண்பையும், பெருமையையும் உணர்ந்து பேணி வளர்த்தனர்.
   சேரன் பனம் பூமாலை, சோழன் ஆத்திமாலை, பாண்டியன் வேப்பம் பூமாலை அணிந்து மரங்களுக்குச் சிறப்புச் சேர்த்தனர். நாட்டைக் காக்கும் அரண்களில் ஒன்று காட்டரண் என்பதை அறிந்திருந்தனர். பண்டு தொட்டு தமிழ்ப் பெருங்குடி மக்கள் காடுகளை முல்லை, வல்லை, இறும்பு, குறுங்காடு, அரில், ஏறல், பதுகை, பொச்சை, சுரம், பொதி, இணையம், மிளை, அரண் என்று பாகு படுத்தியிருந்தார்கள்.
   தமிழகத்தில் முந்பு எங்கும் காடுகள் மண்டி அடர்ந்து கிடந்தன. அன்நாளில் ஊர்களுக்கு மரத்தை ஒட்டியே பெயர் வைத்திருந்தனர்.
   தலவிருட்சங்கள் என்று ஊர்தோறும் அப்பகுதிக்குரிய மரங்களை நட்டார்கள். அரசூர், பனையூர், ரனங்காட்டூர், திருப்பனமூர், திருப்பனந்தாள், திருநெல்லிக்கா, திருநாவலூர், வேலம், தாமரைக்குளம், மூங்கில்பட்டு, மருதமலை, திருவேற்காடு, புங்கனூர், நாவல்பாக்கம், திருமுல்லைவாயில், காரைக்காடு, எருக்கம்பூண்டி, திருவீழிமிழலை, செங்காடு, திருப்பராய்த்துறை, திருவிடைமதூர், காட்டுப்பாடி, ஆற்காடு, ஆலங்காடு, திருமறைக்காடு, காட்டுப்பாக்கம், காதாம்பட்டு, புரசைவாக்கம் பூவரசம்வாக்கம் வேப்பம்பட்டு முதலிய ஊர்களின் பெயர்களிலிருந்து தமிழகத்தில் எங்கும் காடுகள் அடர்ந்து எங்கும் மண்டிக் கிடந்தன என்பதை அறியலாம். அதனாலே அக்காலத்தில் மாதம் மும்மாரி பொழிந்தது. பழங்காலம் முதற்கொம்டு பழகிய மரத்தை வெட்டக்கூடாது. இளம்வயதில் அது எனக்கு நிழலைத் தந்தது. பச்சை மரத்தை வெட்டுவது பாவம் என்பது பண்டைக்காலம் தொட்டே நம் நாட்டு மக்களின் இரத்தத்தில் ஊறிய பண்பாடு. மரங்களை வெட்டிச் சாய்த்து  விட்டால் அந்த இடத்தை மீண்டும் நிறப்ப பல ஆண்டுகள் ஆகும் என்பதை நினைவில் கொண்டிருந்தார்கள். எனவேதான் மரங்களை உறையாண்மையோடு இணைத்துப் போற்றிப் புகழ்ந்தார்கள்.

மழைக்காடுகள் இற்கையின் பொக்கிஷம்...
2.மரம் வளர்ப்பு தொடரும்...

1மரம் வளர்த்தனால் ஆய பயனென் கொல்?

   வாடிய பயிரைக் கண்டு வாடிய வள்ளலார்," கோடையிலே இளைப்பாற்றிக் கொள்ளும் வகை கிடைத்த குளிர் தருவே தருநிழலே' என இயற்கையை இறைவனது சொரூபமாக வர்ணிக்கிறார். காடு வளர்த்தால், இறைவனை வணங்குதல், தருமம் செய்தல் ஆகிய மூன்று கடமைகளுள் மரம் வளர்த்தல் மனிதனின் தலையாய கயமை என்கிறார் திருமூலர்.
   "நல்ல காடு வளர்ப்போம்" என்றார் பாரதியார். நம் மக்கள் இயற்கையை தெய்வமாய், அன்னையாய் வணங்கினார்கள். துளசியாகட்டும், அரசமரமாகட்டும், வேப்பமரமாகட்டும், அத்தானை செடி, கொடிகளும் இறைவனின் இருப்பிடம், உயிரினங்களின் உறைவிடம், நோய்தீர்க்கும் மருந்துகளின் பிறப்பிடம். "ஆல்போல் தழைத்து, அருகுபோல் வேரோடி மூங்கில்போல் கிளைந்து வாழவேண்டும்" என்று வாழ்க்கை நெறியை உணர்த்துகிறது மரம்.
    "வெயில் நுழை பறியா குயில் நுழை பொதும்பர்" என்ரும் "முட்புதர்கள் மொய்த்த தரை - எதிர் முட்டும் கருங்கற்களும் நெருங்கும் - மக்கள் இட்டு அடி எடுத்து வைக்கயிலையே கால் நடுங்கும் உள் நாடுங்கும் என்றும் இலக்கியங்கள் காட்டைச் சிறப்பித்துப் பாடுகின்றன. மரங்கள் நிழல், இலை, காய், கனி, மணம், குனம், தனம், பானம், ஞானம், சாந்தம், மழை, குளுமை, தூய்மை, எண்ணெய், உறைவிடம், விறகு இப்படி மனித சமுதாயத்திற்குப் பல நன்மைகள் தருவதால் பண்டைய காலத்தில் மரங்களை "தரு" என அழைத்தார்கள்.
   இன்று காடு வளர்க்கும் பண்பு மனிதர்களிடையே அருகி வருகிறது. மரங்களும் ஏனைய தாவரங்களும் அடர்த்தியாகவும், அதைச்சார்ந்த உயிரினங்களும் வாழும் இடம் காடு எனப்படும். நம் நாட்டில், மெளர்ய, குப்த அரசர்கள் காலத்திலிருந்து முகலாய அரசர்கள் காலம் வரை வனங்களைப் பேனுவதிலும், சாலைகளில் நிழல்தரும் மரங்களை வைப்பதிலும் ஆர்வம் காட்டி இயற்கையோடு இனைந்த வாழ்வை வாழ்ந்தார்கள்,

ஒருவர் ஒரு மரம் வளர்த்து நம சந்ததிகளு......

மரம் வளர்ப்பு தொடரும்...